პატივცემულო კოლეგებო
- მთავარი
- პატივცემულო კოლეგებო
ღრმადპატივცემულო კოლეგებო
პატივი გვაქვს მოგიწვიოთ
საერთაშორისო კონგრესზე World of Pediatric Ophthalmology in Tbilisi რომელიც ეძღვნება ბავშვთა ოფთალმოლოგიის და სტრაბიზმოლოგიის თემატიკას.
3 – 5 ოქტომბერი, 2025., თბილისი, საქართველო
ჩვენთვის დიდი პატივი და გამოწვევა გახლავთ კვლავ მივიპყროთ მსოფლიო ოფთალმოლოგიური საზოგადოების ყურადღება და მოვუწოდოთ კოლეგებს დედამიწის ყველა კუთხიდან რათა შევიკრიბოთ საქართვლოს დედაქალაქ თბილისში პედიატრიული ოფთლმოლოგიის და სტრაბიზმოლოგიის სამეცნიერო-პრაქტიკული ასპექტების განსახილველად. სპეციალიზირებული კონგრესი პედიატრიულ ოფთალმოლოგიასა და სტარბიზმოლოგიაში პირველად ტარდება საქართველოში. კონგრესში მონაწილე საერთაშორისო ოფთალმოლოგიურ საზოგადოებებთან ერთად დაგეგმილია უაღრესად საინტერესო და დატვირთული პროგრამა. წარმოდგენილი იქნება როგორც სასწავლო კურსები ისე მოწვეული სტუმრების საკვანძო ლექციები, ჩატარდება ექსპერტთა პანელური დისკუსიები, განიხილული იქნება ბავშვთა ოფთალმოლოგიის პრაქტიკულად ყველა მიმართულება როგორც სამეცნიერო ისე პრაქტიკული კუთხით. გვაქვს მოლოდინი, რომ წლევანდელი შეხვედრა იქნება უაღრესად საინტერესო და ინტერაქტიული, სადაც ქართველ და უცხოელ კოლეგებს, უმცროს ექიმებს თუ რეზიდენტებს, მეგობრულ და თბილ გარემოში ექნებათ თანაბარი შესაძლებლობა მონაწილეობა მიიღონ დისკუსიებში, ერთმანეთს გაუზიარონ პირადი გამოცდილება და გამოხატონ საკუთარი მოსაზრებები.
კონფერენცია დაგეგმილია სამდღიანი ღონისძიების სახით. აკადემიურ საქმიანობაში და ქირურგიული ვიდეო-პრეზენტაციების განხილვაში მონაწილეობას მიიღებენ პროფესორ-მასწავლებლები მთელი მსოფლიოდან. პროგრამის გარკვეული ნაწილი დაეთმობა სპეციალიზირებულ სიმპოზიუმებს რომელთა თანაორგანიზატორები საქართველოს პედიატრიული ოფთალმოლოგიის და სტრაბიზმოლოგიის საზოგადოებასთან ერთად არიან ამერიკის პედიატრიული ოფთალმოლოგიის და სტარბიზმოლოგიის ასოციაცია AAPOS, პედიატრიული ოფთალმოლოგიის და სტრაბიზმოლოგიის საერთაშორისო საბჭო IPOSC და აზია-წყნარი ოკეანიის ორთოპტისტთა ასოციაცია APOA.
მოვუწოდებთ და მოვუხმობთ ჩვენს კოლეგებს მთელი მსოფლიოდან, შემოგვიერთდნენ და მიიღონ მონაწილეობა დაგეგმილ ღონისძიებაში. ჩვენი მხრიდან არ ვიშურებთ ძალისხმევას რათა ეს შეხვედრა გავხადოთ უაღრესად საინტერესო, სასიამოვნო და დასამახსოვრებელი. გარდა სამეცნიერო ღონისძიებებისა, კონგრესის დელეგატებს საშუალება ექნებათ დაათვალიერონ ჩვენი ათასწლოვანი დედაქალაქის ღირსშესანიშნაობები, გაეცნონ ქართველ ხალხს და უმდიდრეს ქართულ კულტურას. დარწმუნებული ვართ, რომ ეს ყველაფერი კიდევ უფრო დაუვიწყარს გახდის უცხოელი დელეგატების სტუმრობას, გაცილებით გააღრმავებს თანამშრომლობას და მეგობრობას ჩვენს უცხოელ კოლეგებთან და საბოლოო ჯამში ხელს შეუწყობს ქართული ოფთალმოლოგიის განვითარებას!
კონგრესი იმართება თბილისის საერთაშორისო ოფთალმოლოგიური კონფერენციის TIOC ეგიდით.
პატივისცემით,
საქართველოს პედიატრიული ოფთალმოლოგიის და სტრაბიზმოლოგიის საზოგადოება
Phone: +995555305555., e-mail: tiocgeo@yahoo.com