Tbilisi International Ophthalmology Conference
TIOC  2019

6 - 7 დეკემბერი, 2 0 1 9

პატივცემულო კოლეგებო  პატივი გვაქვს მოგიწვიოთ თბილისის საერთაშორისო ოფთალმოლოგიურ კონფერენციაშ...

პროგრამა რეგისტრაცია

თბილისის საერთაშორისო ოფთალმოლოგიური კონფერენცია

  • მთავარი
  • თბილისის საერთაშორისო ოფთალმოლოგიური კონფერენცია

პატივცემულო კოლეგებო 

პატივი გვაქვს მოგიწვიოთ თბილისის საერთაშორისო ოფთალმოლოგიურ კონფერენციაში მონაწილეობის მისაღებად - TIOC 2019.

უკვე ტრადიციად ქცეული კონფერენციათა ციკლი წელს იუბილეს, ათი წლისთავს აღნიშნავს. იგი კარგად ცნობილი გახდა როგორც პოსტსაბჭოთა ქვეყნების ისე მსოფლიოს მრავალი ქვეყნის ოფთალმოლოგისათვის. მოყოლებული 2010 წლიდან როდესაც პირველად ჩატარდა თბილისის საერთაშორისო ოფთალმოლოგიური კონფრენცია უამრავი სიახლე დაინერგა ოფთალმოლოგიაში, გამოჩნდა ახალი ტექნოლოგიები და ტექნიკა, დაიხვეწა და დაინერგა როგორც თერაპიული ისე ქირურგიული მკურნალობის მრავალი ახალი მეთოდი. თამამად შეიძლება ითქვას, რომ ოფთალმოლოგია გიგანტური ნაბიჯებით მიიწევს წინ და მედიცინის განვითარების ავანგარდშია.

კონფერენცია ტრადიციულად მულტიპროფილურია, არ შემოიფარგლება ერთი კონკრეტული მიმართულებით და მასზე წარმოდგენილი იქნება როგორც სამეცნიერო მოხსენებები ისე სალექციო ნაწილი.

მივესალმებით თქვენს სურვილს კონფერენციაზე წარმოადგინოთ სამეცნიერო მოხსენება. მოხსენების ელექტრონული ვერსია შესრულებული უნდა იყოს Power Point-ში ინგლისურ ენაზე. საკუთრივ ვერბალური ნაწილი ქართულ ან რუსულ ენებზე, ხანგრძლივობა არაუმეტეს 7 წუთისა. კონფერენციაზე წარმოდგენილი სამეცნიერო შრომები დაიბეჭდება. თეზისები წარმოდგენილი უნდა იყოს ელექტრონული სახით (Word), არაუმეტეს A4 ფორმატის ორი სტანდარტულად აკრეფილი გვერდისა, ქართულ-ინგლისურ ან რუსულ-ინგლისურ ენებზე (ინგლისური სავალდებულოა).

კონფერენციის სამეცნიერო საბჭო უფლებას იტოვებს მოახდინოს მოხსენებების სელექცია. მოხსენებების მიღების ბოლო ვადა გახლავთ 2019 წლის 30 ნოემბერი. აღნიშნული თარიღის შემდეგ სრულად წყდება შრომების მიღება.

კონფერენცია გაიმართება ქ. თბილისში, სასტუმრო "ქორთიარდ მერიოტის" საკონფერენციო დარბაზში. მისამართი: თავისუფლების მოედანი #4. რეგისტრაცია დაიწყება 08:00, კონფერენცია 10:00. საქართველოს ოფთალმოლოგებისათვის გადასახადი დაწესებული არ არის.

პატივისცემით,

ზაზა ხოტენაშვილი

საორგანიზაციო კომიტეტის თავჯდომარე

ტელ.: 598 297 297 | ელ-ფოსტა: tiocgeo@yahoo.com